සීතල පොලොවම

සීතල පොළොවම සිරියහනක් වේවා
ගෝනි පඩංගුව මුදු පලසක් වේවා
ජේලර මහතුන් නෑදෑයෝ වේවා
තැටියේ බත්පත දිවබොජුනක් වේවා

මා මුරගෑවේ පිහිටක් අයදින්ටයි
දණ වැද්දෙකුගෙන් බඹසර රැකගන්ටයි
ඔබ දිව ආයේ මා දිවි ගලවන්ටයි
අවි එසවූ‍යේ යුක්තිය විසඳන්ටයි

දිළීඳූ ලඳුන්ගේ කුමරි දිවිය උන්ගේ
කාසිය උන්ගේ ලොකු ලොකු උන් උන්ගේ
පොලිසිය උන්ගේ කූඩුව අපෙ උන්ගේ
නීතිය උන්ගේ හිරබත අපෙ උන්ගේ

තුලාව ගෙන නෙත්යුග බැඳ රෙදි කඩකින්
නීතියෙ යුවතිය වැජඹෙයි අද නිදුකින්
ඔබවන් මිනිසුන් වෙනුයෙන් ඇන සැතකින්
මරා දමමි ඇය මරා දමමි සැණෙකින්...

           නන්දා මාලිනි ගායනා කරන මෙම ගීතය  එකල සිරගතව සිටි සරත් ෆොන්සේකා මහතා වෙනුවෙන් ගැයූවක් ලෙස  වැරදි අර්ථකතනයක් සහිතව අන්තර්ජාලයේ පසුගිය කාලයේ අප දුටුවා.ඇත්තටම මෙම ගීතය පවන ප්‍රසංගය වෙනුවෙන් ගයන ලද ගීතයක්. පවන ප්‍රසංගය සහ ගීත ඇල්බමය ඒ කාලේ තිබු රජය විසින් තහනම් කලා...
ඇත්තටම ඔය ගීතයේ තියෙන්නෙ තමන්ගෙ බිරිඳව දූෂණය කරන්න ආපු රජයේ මැරයන්ට අභියෝග කරපු සැමියෙක්ව, නිල බලය, මැර බලය පාවිච්චි කරල උස්සගෙන ගිහින් වධකාගාරයකට දැම්මට පස්සෙ බිරිඳකට පහල වෙන සිතුවිලි.....